الرئيسية / ثورة مصر 25 يناير / بتخدم مين يا جحش ؟

بتخدم مين يا جحش ؟

و احنا بنجرى من الشرطة فى الشوارع الجانبية خلف سنتر البستان كان بيندس وسطنا ناس لابسين مدنى بس شكلهم فاضحهم ، شكلهم تبع البصاصين و العسس كانوا يمشوا ورا الواحد و هب يروحوا خاطفينه او شايلينه و يشحنوه على ميكروباص واخدينه من صاحبه بالعافية ، لكن اللى ضايقنى قوى واحد كان ماشى ورايا و خدت بالى منه فمشيت عادى كانى مش حاسس بيه لحد سوق الحميدية بباب اللوق و رحت داخل شمال فجأة لقيته بيجرى ورايا رحت مرقصه وراجع تانى على شلة متجمعة فمقدرش يقرب لكنه عدى الناحية الثانية و اصطاد اثنين واقفين مش واخدين بالهم و راح رازع واحد منهم قلم و قال له يلا يا ابن تييييييييييت تيييييييييييت يلا روح لامك ، و ده لان العربية كانت شحنت و راحت تودى شحنتها و ترجع لكن الولد اتفاجئ باللى حصل و لانه ابن ناس زى كل اللى كانوا بيتظاهروا على عكس ما قال الكذابين و الاعلاميين الطبالين من انهم مشاغبين و منحرفين و مثيرى شغب ، كل ده كذب و اونطة المهم ان الولد خد القلم و مشى هو وصاحبه و هو ماسك وشه و بيقول لصاحبه ده ضربنى بالقلم و حتى ما شتمش او قال كلمة عيب مع انه لو مسك الحيوان اللى ضربه ده هايمسح بيه و بكرامته و باهله الارض علماً و ثقافة و تربية لكن الجبان ضربه و جرى على الناحية الثانية يتحامى فى زمايله الاغبياء اللى شكلهم طبعاً امن لا مؤاخذة الدولة، هما دول اللى منحرفين و مثيرى شغب و فتن و كل شئ بغيض لذا يتم اختيار اغباهم لكن بصراحة مش عارف الجحش ده و اللى زيه فاكرين انهم بيخدموا مين ؟ و هل هو ده الشغل و هل هو ده امن الدولة اللى بيتعلموه سواء فى معاهد الشرطة او مراكز التدريب او حتى كلية لا مؤاخذة الشرطة عفواً كلية الدرك و العسس و البصاصين فى عهد كريه الظالمى المشهور بحبيب العادلىجحش مدجج بالسلاح

موضوعات ذات صلة :

عن egymod

egymod

2 تعليقات


Strict Standards: Only variables should be assigned by reference in /home/ecnherei/public_html/wp-content/themes/jarida/comments.php on line 21
  1. حقيقى الموقع ممتاز جدااااااااا .. احييكم عليه

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

ăn dặm kiểu NhậtResponsive WordPress Themenhà cấp 4 nông thônthời trang trẻ emgiày cao gótshop giày nữdownload wordpress pluginsmẫu biệt thự đẹpepichouseáo sơ mi nữhouse beautiful